Skip to main content

Posts

Showing posts from April, 2010

மழை

விண்ணுக்கும் மண்ணுக்கும்
மேகம் போடும் தண்ணீர் பாலம்

மேக வல்லள்கள் கோடை பூமிக்கு
விசிறி எறியும் வெள்ளித் தூரல்கள்

தாரகை மினுக்கிகளில்
உதிர்ந்து வரும் எச்சங்கள்

தேய் பிறை கொண்ட நிலாத் துண்டங்களின்
தீடீர் பிரவேசம்

விண்ணையும் மண்ணையும்
தொடுத்துப்பாடும் சங்கீத உலா..

மேகங்களுக்கிடையிலான
சமரில் மாய்ந்து போன சகாக்கள்......

துணிந்து செல்....

தோல்விகளையெல்லாம் வலிகளாக இதயத்தில் வாசிக்காதே
மீண்டுமோர் வெற்றிக்கான
விழுதாக மாற்றிக்கொள்.

சோதனைகளையெல்லாம்
வேதனைகளாக பிரகடனம் செய்யாதே
உன் சாதனைக்கான
சம்பிரதாயமாய் ஏற்றுக்கொள்

பிரிவுகளையெல்லாம்
தவிப்புக்கான சடங்காக பரைசாரதே
இறைவன் படைப்பிள்
அது நியதி என உணர்ந்து கொள்

இலக்கை நன்றே வகுத்துக் கொள்
தடைகளைத் தகர்த்தே நகர்ந்துசெல்......